Phaiphi dza malaṱwa dzo tshinyalaho dzi khombo kha mitakalo ya vhathu.

Tshiṱori nga: Silas Nduvheni. Ṱhalutshedzo nga: Khathutshelo Raliphaswa.

Vhadzulapo vha Mbaleni, Hamagidi na Makwarela Extension 3, vhane vha wanala tsini na mavhengele tserekano a Mutete, vhari vho neta nga u tshila na phaiphi dza malaṱwa dzine dzavha ḓisela lwefha lusi lwavhuḓi zwine zwavha khombo kha mitakalo yavho.

Nga Sondaha, ya ḽa fumbili-rathi Lara, Vhamusanda Thithomelwwi Mphaphuli vha kusi kwa Mbaleni na vhalanda vhavho vhovha na muṱangano vha tshi lingedza u tandulula tshiimo itsho tsha dzi phaiphi dza malaṱwa. Vhadzulapo avha vhari vha na minwaha i paḓaho miṋa vha tshi tshila na nyimelo iyi.

Vho Mphaphuli vho vhudza vha nyanḓadza mafhungo ya Limpopo Mirror uri u phaphiphi idzo dzo tshinyala tsini na luvhande lwa Makwarela.Ngazwezwo malaṱwa a elela aya vhuponi hune ha ṱanzwa maḓi, aya milamboni ya Lukunde na Mvudi, u bva afho aya damuni ḽa Nandoni, hune vhathu vhanzhi vha Vhembe vha wana hone maḓi.

“Ri na mbilaelo uri vhadzulapo vha shumisa maḓi o tshikafhalaho lune vha nga swika hune vha lwala kana vha lovha. Rovha na miṱangano ya tshivhalo na neḓorobo wa kale wa masipala wa tshiṱiriki tsha Vhembe, Vho Dowelani Nenguda, na mulangi wavho wa thekiniki na Vho Wiseman Maluleke, fhedzi ahuna zwe vhari thusa ngazwo sa thandululo,” hu amba Vho Mphaphuli.

Vho Joseph Raligidima, vhane vhavha mudzulapo wa kusi kwa Mbaleni tsini na Makwarela, vhari u vhigela vha nyanḓadza mafhungo hovha hu hone vhushavhelo havho ha u fhedza uri vha masipala wa tshiṱiriki tsha Vhembe vha vha thuse kha khaedu yavho.

Muambeli wa masipala wa tshiṱiriki tsha Vhembe, Vho Matodzi Ralushai vho khwaṱhisedza uri vha masipala vha kati na u lugisa phaiphi idzo dza malaṱwa dzo tshinyalaho tsini na mulambo wa Lukunde.

Date:08 December 2023

By: Silas Nduvheni

Read: 291