Bembela ḽa ḓuvha ḽa vhurendi kha kusi kwa Tiyani

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Muṅwali wapo Vho Themba Patrick Magaisa, vhane vha ḓivhea khwine nga la TP Magaisa, vho fara vhuṱambo ha u pembela ḓuvha ḽa vhurendi vho farana zwanḓa na vha Ḽaiburari ya lushaka ya ḽa Afrika Tshipembe (NLSA). Vhuṱambo uho ho farelwa tshikoloni tsha fhasi tsha Nkanyani tshire kha kusi kwa Tiyani. Vhuṱambo uho na pfumbudzo ya vhanwali, zwe zwa kunga vhathu vha swikaho ḓana ḽithihi, hu tshi katelwa vhaswa, hovha hu na ndivho yau ṱavha mbeu ya nḓivho nga ha vhurendi kha vhaswa.

Vhukati ha vhathu he vha ya kha vhuṱambo uho, hu katelwa Vho Marcus Maphile, mulangi wa vhudavhidzani na lushaka kha NLSA, na vhanwe vharendi vhapo. Ndivho yone yone kha ḓuvha iḽo hovha hu u tikedza nyambo dzo fhambanaho nga kha vhurendi, na u vhulunga vhurendi ha dzi nyambo dzine dza khou thudzelwa kule uri dzi kone u pfiwa mivhunduni ya mahayani. Ḓuvha iḽi ḽovha ḽi khou dovha hafhu ḽa ṱuṱuwedza vharendi uri vha humele kha vhurendi ha kale na kale, na maitele a kale. Ḓuvha ḽa vhurendi, ḽine ḽa pembelwa u mona na ḽifhasi, ḽo wana vhudzula kha kusi kwa Tiyani, hu na ndivho ya u funza nau ṱuṱuwedza vhathu hu tshi shumiswa maipfi a fhaṱaho..

Muṅwe wa vharendi vhe vhavha vhe kha vhuṱambo uho, Nsuku Hlungwani, o ṱahisa lwendo lwawe kha zwa vhurendi sa nḓila ya yavha yo ḓala vhutsila na u bveledza bono na vhupfiwa hawe. “Ro guda nga ha u anḓadza dzi bugu nga riṋe vhaṋe, na nḓila dza u isa dzi bugu dzashu kha ḽaiburari ya lushaka. Ro wana nḓivho nga ha u ṅwala zwirendo zwavhuḓi. Zworalo ri ḓo kona u thusa vhaṅwe vharendi uri vha kone u bvelela u fana na riṋe,” a amba.

Muṅwe wa vhaṅwali, Vho Joseph Ngobeni, vho amba ḽauri Pfumbudzo  yo vha thusa kha lwendo lwavho. “Ro wana nḓivho nga nḓila dza u ṅwala nau maanḓafhadzwa uri ri ṅwale zwinzhi. Ndo guda uri u ṅwala nga luambo lwa ḓamuni zwi ri thusa u vhulunga luambo, Xitsonga na dziṅwe nyambo dza ḓamuni u fana na Tshivenḓa,” vha amba.

Date:08 April 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 108