Ho rwelwa ṱari tshiimiswa tsha vhaholefhali

Tshiṱori nga: Elmon Tshikhudo. Ṱhalutshedzo nga: Khathutshelo Railiphaswa.

Ndoro ya muhashi kha radio yau u kona u thusa vhaholefhali yo wedza. Muhashi, Vho Humbulani Nengovhela, vhane vha ḓivhea khwine nga ḽa Muphirimia vho thoma tshiimiswa tshavho tsha Muphirimia Foundation. Vhuṱambo hau rwela ṱari tshiimiswa itsho ho farelwa fhethuhavhudimbvumbvusi ya The Gerbs ire Muswodi Dipeni nga Lavhuna, ḽa fumbili-malo Thahamuhwe.

Tshiimiswa itshi ndi tshine tshavha na ndivho yau thusa vhaholefhali, izwi ndi ngauri Muphirimia ndi muthu vhane vha ḓivha nga ha khaedu dzine vhaholefhali vha ṱangana nadzo ḓuvha ḽiṅwe na ḽiṅwe kha matshilo avho. Muphirimia ndi muholefhali vhane vha shumisa wheelchair, vha bvaho kusini kwa Tshaulu, hone vha lwela pfanelo dza vhaholefhali, fhedzi a vha na vhupo ho teaho hau amba nga ha pfanelo idzo. Vho funa ndoro iyo ngauri vha ḓo  kona u maanḓafhadza vhaholefhali nga kha tshiimiswa itshi.

Kha vhaeni vhe vha dzhenelela vhuṱambo uho hau rwela ṱari, hu katelwa vhaimbi vha fanaho na Jinika, Awee, Vho Tshimangadzo Ester Sinyegwe, na Khakhathi "Murida" Tshisikule, vhe vha mbvumbvusa vhathu. Muṅwe wa muambi waduvha kha vhuṱambo uho hovha Vho Maluta Mulibana vha bvaho ofisini dza Vho Premier wa vunḓu ḽa Limpopo.

Muphirimia vhari khaedu dza uvha muholefhali ndi dze dza vha vhilaedza tshifhinga tshinzhi tsha vhutshilo havho. “Vhunzhi ha vhaholefhali ndi vhathu vhane vha dzhielwa fhasi, hungavha hu mivhunduni, zwikoloni, mishumoni kana huṅwe na huṅwe hunevha  hone. Ri khou ṱoḓa u zwi shandukisa. Ri khou vha pfumbudza nga ha u runga, zwa vhulimi, na mabindu. Magavhelo ane vha a wana ubva kha muvhuso ha lingani u ḓi unḓa, hone nḓila dzine ra vha pfumbudza ngadzo dzi ḓo vha thusa u wana masheleni a uḓi unḓa,” vha amba.

Muphirimia vho ṱahisa lauri vho no thoma na mishumo yau pfumbudza kha miṅwe mivhundu, hu tshi katelwa Muswodi, he tshiimiswa itshi tsha rwelwa ṱari hone. “Ri na vhukonani havhuḓi hau shuma na Vhamusanda vha muvhundu uyo, vhe vha netshedza masheleni a swikaho zwigidi zwina zwa dzi rannda u thusa kha mishumo iyo. Ri fulufhela uri tshiimiswa itshi tshi ḓo shela mulenzhe kha u thusa nau khwinifhadza matshilo a vhane vha vha vhaholefhali. Ri dovha hafhu ra ita khuwelelo kha vhathu vhoṱhe kha tshiṱiriki tsha Vhembe uri vha shumise tshiimiswa itshi uḓi vhuyedza na vhukoni havho,” vha amba.

U wana zwinzhi, vha nga kwama Muphirimia kha nomboro dzavho dza 082 844 4583.

Date:09 April 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 108