Rofhiwa Maphupha o kunda Mhungu nga mithethe ya 56 yau thoma.

Tshiṱori nga: Victor Mukwevho. Ṱhalutshedzo nga: Khathutshelo Raliphaswa.

Ramavili wa fhano vubduni la Limpopo, Rofhiwa “Topis Dangerous” Maphupha, o akhamadza vhafuni vhatevheli vhawe khamutambo wa mavili musi atshi kunda Fanele Mhlungu nga mithethe ya fuṱhanu-rathi fhedzi kha luṱa lwau thoma. Vhovha vhe kha nndwa ya vhugwena ya vhoramavili vha mavunḓu au fhambana, nndwa iyo yo lwiwa holoni ya Escort ngei vunḓuni ḽa KwaZulu-Natal.

Mugudisi wa Maphupha vha tshi amba nga murahu hau vhuya hawe, Vho Paul “Cruel Vulture” Masindi, vhari ramavili uyu ane abva vhuponi ha Nzhelele o kunda Fanele nga u mu rwa kha haḓa ḽa monde hu sa athu u fhela mithethe minzhi nnndwa yo thoma, a tevhela nga u mu rwa kha tshanḓa tsha uḽa na tsha monde zwi tshi tevhekana. “Vili ḽawe ḽovha ḽo ḓala maanḓa lwe ḽa rovha musipha kha haḓa ḽa tshanḓa tsha ula a wa nga gona nga u kundiwa, izwo zwo ḓou sumba u fhela ha nndwa. Ndo ḓou dzhena ngomu rinngini nda wana Rofhiwa o ḓala miṱodzi ya dakalo nga u kunda hawe,” vha amba.

Vho Masindi vhari musi Rofhiwa a sa athu u lwa nndwa iyo, vho mu laela uri u fanela u lwela u kunda kha luṱa lwa u thoma. “Ndovha ndi khou ofha uri uḓo nthudzelwa kule sa izwi hovha hu nndwa ya hayani kha Fanele, izwi ndi ngauri vhalangi vha dzi nndwa vha sumbedza u takalela ramavili ane avha a khou lwa hayani hawe nga nndwa dzi fanaho na idzi,” vha amba.

Rofhiwa o ṱahisa zwauri ndivho yawe khulwane hovha hu u kunga vhuimo ha vhugwena kha tshiteṅwa tsha lushaka ṅwaha u sa athu u fhela, a kona ha u lwela vhugwena kha luṱa lwa u mona na ḽifhasi. “Ndia ḓivha zwine nda ṱoḓa vhutshiloni. Ndi khou shuma ndo ḓi imisela uri ndi kone u swikelela kha uvha ngwena kha mutambo wa mavili,” a amba.

Vho Masindi vho amba ḽauri musi nndwa isa athu u thoma, Rofhiwa ovha asiho kha mutevhe wa vhoramavili vha fumi vha khwine kha bodo ya mavili Afrika Tshipembe (BSA), ngeno Fanele ovha e kha vhuimo ha vhuraru kha mutevhe uyo. Zwi tshi tevhela mutambo uyo we wa lwiwa KwaZulu-Natal, Vho Masindi vhari vho ḓou ya kha vhuimo ha vhuraru kha mutevhe wa bodo ya BSA. Zworalo, vho ṋeiwa tshikhala tsha u lwa na Mfanavule Ntuli nga ḽa fumbili-ṱhanu Shundunthule kha yeneyo holo ya Escort ngei KwaZulu-Natal. “Gundo kha nndwa iyi iḓo ṋea Rofhiwa tshikhala tsha uvha ḽigwena ḽa lushaka. A vha zwi tende musi ndi tshi amba uri naṅwaha ri ḓo swika kha uvha dzi ngwena dza lushaka,” vha engedza vha tshi vhina.

Date:09 April 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 122