Livhuwani Magidi u khou ṱutshela khasho uri avha mapholisa

Tshiṱori nga: Victor Mukwevho. Ṱhalutshedzo nga: Khathuthutshelo Raliphaswa

Ramafhungo wa kale kha radio ya Makhado FM Univen FM, na Vhembe FM we a dovha avha e muvhali wa mafhungo, Livhuwani Magidi o ṱutshela buḓo lawe la zwa nḓowetshumo ya vhumbvumbvusi avha muraḓo wa vha tshumelo ya lushaka ya mapholisa. A tshi amba na vha nyanḓadza mafhungo ya Limpopo Mirror, Livhuwani uri u khou ṱutshela iyi nḓowetshumo ya vhuhashi ngauri u ṱoḓa u shumela vhadzulapo nga kha ḽiṅwe buḓo ḽo fhambanaho na ḽa khasho.

“Nga tshenzhemo yanga kha nḓowetshumo ya vhudavhidzani, ndi ṱoḓa u sendedza vhathu tsini na mapholisa, uri vhadzulapo vha kone u pfesesa uri ri khou shuma roṱhe – hone ngau shumisana ri nga kona u ita uri Afrika Tshipembe ḽivhe fhethu ho vhulungeaho kha vhathu vhoṱhe,” a amba.

O ṱahisa ḽauri vhadzulapo vho no laṱa fulufhelo kha mapholisa, “fhedzi khasho ndi yone nḓila ine vhathu vha shumisa u davhidzana na mapholisa uri vha kone u lwa na vhugevhenga vhune ho anda mivhunduni na dzi ḓoroboni”. "Naho ndi tshi ḓo dzulela u elelwa u vhala mafhungo nau hasha kha mbekanyamushumo dza mafhungo ane a khou bvelela, uvha muofisiri wa vhupholisa ndi mbidzo kha nṋe, hone ndi tenda khauri ndi ḓo shela mulenzhe zwihulu khau tsireledza mivhundu yashu," a amba.

A tshi vhudziswa uri naa sa mufumakadzi a khou shuma sa muofisiri wa vhupholisa, hune muthu a ṱangana na nyimele dzi konḓaho musi a khou lwa na vhugevhenga, ha ṱangani na vhuleme, ene o fhindula uri u khou takalela tshipiḓa tshiṅwe na tshiṅwe tshine a tshi shuma sa pholisa. “Kha nṋe, u vha muofisiri wa vhupholisa ndi mbidzo, honeathivhoni a thina thaidzo ine nda khou ṱangana nayo zwa zwino. Ndo ḓi imisela u tsireledza mivhunduni one rabva khayo na lushaka nga nḓila ine nda kone vhutshilo hanga hoṱhe, “ a amba.

Date:09 April 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 174