Lufuno lwa achaar lwo aluwa u sika bindu kha Muofhe

Tshiṱori nga: Maanda Bele. Ṱhalutshedzo nga: Khathutshelo Raliphaswa.

U aluwa kha kusi kwa Mamvuka vhuponi ha Nzhelele, Muofhe Ratshikombo ovha e na dzangalelo khavhubindudzi laibveledza achaar lwe a vhuya a tou i sevhedza kha tshisevho tshiṅwe na tshiṅwe. Namusi, Muofhe ndi mune a bindu ḽau bveledza achaar ḽine ḽa vhidziwa Oumie’s Gandee achaar. Kha bindu iḽo u na vhashumi vha malo vha tshoṱhe na vhashumi vha fumi-na-iṋa vhane vha tou vhidziwa musi hu na mushumo.

Muofhe uri muhumbulo wau thoma bindu ḽa achaar ndi we a aluwa nawo sa izwi ovha a tshi dzulela u vhona makhulu wawe vha tshi rengisa achaar yo itiwaho hayani . “Kha tshifhinga tshine havha hu na mamanngo, makhulu anga vhovha vha tshi ḓo dzhia mamanngo ubva kha tsimu ya kusi kwashu vha bveledza achaar ngao. Ndovha ndi tshi ḓo vha thusa u rengisa achaar iyo kha vhagudiswa zwikoloni na vhadededzi vha zwikolo zwa tsini. Nga murahu ha tshifhinga, rovha ri tshi ḓo vhona vhuleme ha achaar ye vha vha vha tshi i bveledza vhu tshi tsela fhasi, izwi zwovha zwi tshi kwama bindu ḽashu nga nḓila isi yavhuḓi,” vha amba.

Muofhe uri izwo zwo sia e na mmbudzisa kana u ṱoḓa u ḓivha nga ha nḓila dza uri naa uri achaar i dzule lwa tshifhinga tshilapfu u fanela u zwi ita hani. “Naho hovha hu na khaedu kha sia ḽa masheleni, ndo ḓou humbela muṱa wa hashu uri vha ntendele uri ndi gudele digirii ya zwa vhulimi. Ndovha ndi khou ṱoḓa uvha na nḓivho nga ha zwiḽiwa izwi zwine nda zwi funa. Ndo ḓou kona u vhulunga masheleni au thoma bindu ḽanga nge nda wana ndambedzo ubva kha khamphani ine ya bveledza zwiḽiwa vhane vha sedzana na u khinifhadza sia ḽa zwa vhulimi na zwiḽiwa. Bindu ḽanga ḽo rwelwa ṱari nga ṅwaha wa Phando 2021,” a amba.

Nga murahu ha minwaha yau lindela nau shuma oḓi imisela, ho ḓou bebiwa Oumie’s Grande Achaar. Dzina iḽi ḽa bindu ḽawe ḽi edza dzina ḽa makhulu awe, Vho Oumie. Zwa zwino bindu iḽo ḽo no aluwa. “Zwa zwino ri shuma kha mavunḓu mavhili, Limpopo na Gauteng,” a amba.

Ndoro yawe ndi uḓi wana a tshi rengisa achaar iyi u mona na ḽifhasi kha maṅwe mashango na dziṅwe tshaka, hone hu ḽone bindu ḽine ḽa khou rangaphanḓa kha sia ḽa zwa vhulimi nau bveledza zwiḽiwa. “Ri bveledza nau rengisa zwiḽiwa zwine zwavha zwa sialala hone zwo tou itiwa nga zwanḓa u fana na mitshelo na miroho. Zwibveledzwa zwashu zwi pembela vhufa hashu, hone zwo itelwa u ḓisa vhushaka na vhuthihi muḓini muṅwe na muṅwe. Ri tenda kha vhudavhidzani ho vulelwaho muṅwe na muṅwe kha bindu ḽashu,” a vhina.

O ṱahisa ḽauri ndivho yawe khulwane kha bindu iḽi asi uḓi vhuyedza fhedzi, u dovha hafhu a ṱoḓa u sikela vhaswa mishumo kha bindu lawe.

Date:10 April 2024

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology.

He is passionate about current news and international affairs.

He worked as part of the Zoutnet team as an intern in 2017.

He is currently a freelance journalist specialising in news from the Vhembe district.

Read: 112