Dzi khonani vha pembela paseka nga nḓila ya tshipentshele

Tshiṱori nga: Victor Mukwevho. Ṱhalutshedzo nga: Khathutshelo Raliphaswa.

Thama dza u bva kale Vho Mpho Mavhungu na Vho Peter Nethengwe vho pembela mafhelo a vhege ya paseka kha vhupo ha Tshilamba nga nḓila ya tshipentshele musi vha tshi mona mona na vhupo uho ha Tshilamba nga tshiendedzi tsha kale tsha Mercedes benz sedan, nga Mugivhela wa ḽa furaru Thafamuhwe.

Sa vhaswuhana vha ḓoroboni, vhovha vho ambara zwiambaro zwa sialala ya jazz zwa dzi dobbs, marukhu a vhafuni vhamusicw wa jazz, vho dovha hafhu vha hwala dzi phithumende dza mukumba dza muvhala wa buraweni. Vhovha vho fara na dzi phaiphi dzau daha dze dzavha dzi tshi shumiswa kale.

Vha tshi vhudziswa uri ndi ngani vha khou vusuludza maitele ayo a kale ane a ḓura, Vho Nethengwe, vhane vhavha ramabindu muhulwane kha tshiṱiriki tsha Vhembe, vhari aya ndi maitele kana nḓila yau tshila ye vhane vhavho vho vha vha tshi tshila ngayo.

Munnaavhane Vho Tshitanzwavhuyo Bethuel Nethengwe, khotsi a Vho Peter Nethengwe, vhovha muṅwe wa vhoramabindu vha vharema vhau thoma vhe vha fhaṱa mavhengele tserekano kana vhupo ha mabindu kha vhupo ha Venda ha kale nga minwaha ya gidiḓaṱahe-fusumbe.

“Rovha ri tshi dzulela u vha vhona vha tshi ambara zwavhuḓi hone nga nḓila ya vhudele ḓuvha ḽiṅwe na ḽiṅwe lwa minwaha, fhedzi kha maḓuvha o khetheaho, vhovha vha tshi ambara nga iyi nḓila. Phithumende dze ra fara asi ntswa, ndi dze dza siiwa nga vho khotsi ashu,” vha amba.

“Ri ḓo dovha hafhu ra zwi ita nga ḓuvha ḽau pembela vhaswa ḽa fumi-na-rathi Fulwi ṅwaha uno, hone ri khou ramba vhane vha ṱoḓa uvha tshipiḓa tsha bembela lashu uri vhaḓe na zwiendedzi zwa kale ri pembele ḓuvha roṱhe,” vha amba.àq

Date:12 April 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 171