Vhamusanda Vha Lukhwarani vhari vha na mbonela phanḓa dza kusi kwavho.

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Kha vhuṱambo hau ḓadziwa mativha nga Vhamusanda vha Habudeli Lukhwarani nnḓa nyana ha Ṱhohoyanḓou, Vhamusanda Vho Micheal Muthaphuli, vhari zwishumiswa zwire kha vhupo havho zwi fanela u shumisiwa nga nḓila ine ya ḓo vhuyedza vhadzulapo vha muvhundu wavho nga nḓila dzo fhambanaho.

Vhamusanda Vho Muthaphuli, vhane vha vha murangaphanḓa vhe vhoṱhe vhare na vhuholefhali maṱo vhare fhasi ha vhurangaphanḓa ha Thovhele Gole Mphaphuli, vho ḓadza mativha a vhupo uho nga vhuṱambo he ha rangiwa phanḓa nga Thovhele Gole Mphaphuli. Vhuṱambo uho, he ha farelwa mudavhini wapo wa mitambo wa Lukhwarani, hotalelwa nga vhathu vha maimo a nṱha u fana na vhorapolotiki, vharangaphanḓa vhasialala mivhundu a zwisi zwau fhambana hu tshi katelwa na Thovhele Nthumeni Masia, na Neḓorobo vha Thulamela Vho Sarah Rambuda.

Kha vhuṱambo uho, he ha fariwa nga Mugivhela wa ḽa fumi-rathi Thafamuhwe, Vho Tshedza Muthaphuli vho tiiwa sa ndumi, ngeno Vho Mukondeleli Mathaphuli vho tiiiwa sa khadzi. Khosi ho tiiwa Vhamusanda Vho Nndweleni Muthaphuli.

Vha tshi amba nga ha nzudzanyo na maano ane vho a vhetshela tshifhinga tshavho tsha u rangaphanḓa, Vhamusanda Vho Ndweleni vhari vha pfa vhe na mashudu kha vha muṱa wavho na Thovhele Gole Mphaphuli vhe vhavhata sa murangaphanḓa naho vhetshila Na vhuholefhali ha maṱo. “Ndi ngavha ndi na khaedu ya u vhona nga maṱo, fhedzi muhumbulo wanga u khadi shuma lune ndia kona uvha na mbonela phanḓa. Ndi murangaphanḓa a fanaho na vhanwe vharangaphanḓa, hone ndi ṱoḓa u sumbedza vhathu uri naho ndi na khaedu iyi ndi ḓo kona u bveledza kusi kwanga havha nau khwinifhadziwa hu ne ra shaya hone zwa zwino,” vha amba.

Uya nga Vho Ndweleni, vhadzulapo vha kusi kwavho vha na mashudu u tangiwa nga zwishumiswa na zwibveledzi, u fana na damu ḽa Nandoni na gudedzi ḽa Madzivhandila ḽire kha vhupo uho. “Ndi tenda kha u vheyedzwa vhadzulapo, hone izwi ndi zwine ra ḓo shumisa u khwinifhadza vhupo hashu. Ṱhoḓea yau thome ye ra sedzana nayo ndi nḓisedzo ya maḓi. Ro dzula tsini na damu ḽa Nandoni, fhedzi vhadzulapo vhashu vha tshe na ṱhahelelo ya maḓi sa izwi vha sa shumisi maḓi aya a bvaho damuni,” vha amba.

“Ri ḓovha na vhudavhidzani na vha tshiṱiriki tsha Vhembe nga ha khaedu iyi. Ari koni u dzula tsini na maḓi fhedzi ra balelwa ua shumisa. Zwinwe hafhu ndiuri vhadzulapo vha fanela u khethiwa u thoma musi hu na zwikhala zwa mishumo kha damu ḽa Nandoni na gudedzini ḽa Madzivhandila. Vhalanda vhanga vha fanela u vhuyedzwa. Avha tei u vha vhaṱaleli kha ikonomi ya vhupo havho,” Vho Mathaphuli vha amba.

Date:15 April 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 115